An Ghaeilge

Is é an t-aon bhealach chun teanga a fhoghlaim i gceart, go tapa agus go héifeachtach ná tú féin a thumadh go hiomlán i dtimpeallacht na teanga sin. Má tá Béarla á labhairt agat, ní fhoghlaimeoidh tú Gaeilge – tá sé chomh simplí leis sin. Mar sin tá Riail na Gaeilge an-tábhachtach i gColáiste Chamuis: Caithfidh scoláirí an Ghaeilge a labhairt i gcónaí. Mura gcloítear le Riail na Gaeilge, iarrfar ar an mac léinn an cúrsa a fhágáil. Cuirtear an riail seo i bhfeidhm go docht agus moltar do thuismitheoirí gan a bpáistí a chur chuig Coláiste Chamuis mura bhfuil siad sásta é seo a chomhlíonadh.